我有一位朋友，因為移民關係，所以將佢住左十幾年的一間唐樓住宅單位，低於市價近五成的售價蝕讓畀我。本應呢件係一件值得慶祝的事，但之不過，當我入伙之後一個月，我就漸漸覺得有D唔對路。 記得發現怪事那日，正係颱風襲港的日子，亦係呢個原因，我先至有機會乖乖地留響屋企打掃一下自己的傢具雜物，包括雪櫃。但當我正想處理一下雪櫃內的過期飯菜時，赫然發現兩日前食淨的飯菜全部消失得無影無蹤。但奇怪的係，盛菜的碟依然存在，只係D菜被人吃光似的。

第二日晚上，我再次特意放些飯菜入雪櫃，待明早察看，怎料結果一樣，全部都被「人」吃得一乾二淨。事發後的兩個多月內，我的雪櫃就好似放左一個「人」入裡面一樣，放一碟，食一碟。但最終我都係忍無可忍，決定搬往另一單位居住。