激死我，如果唔係天氣熱要帶隻貓去剪毛我就唔會咁興。今朝早去到話同我隻貓剪獅子頭、尾，短''噓''仔。但係個光頭哥哥話短''噓''仔要加80蚊喎。咁我話上次佢剪都唔駛既？
個光頭哥哥就話妳講果d好似史立沙狗咁要剪層次架﹗我話唔係呀。同一時間心諗，一隻短毛波斯點同史立沙呢，咁我都好想見識吓就加咗80元。
好啦到晩上我攞貓啦。佢地無比隻貓我睇就要我去比錢。到我去收銀比完錢又好快咁比隻貓我，之後個小姐好快咁關上門無人理我覺得隻貓點。(因為好多帶寵物去剪毛既都會睇一睇剪成點同有無受傷)

後來我老公一攞隻貓出來真係無得頂。
獅子頭係圓型的？我以為佢地剪係薯頭‥‥‥明明頭d毛至心口d毛尖落去架
條尾‥‥‥好似營養不良咁開叉無尾尖。
短''噓''仔‥‥一d型都無，以為走咗線既短''噓''
重要成身剪完既毛未清理過

我記得上次都剪得好靚，重好似隻獅子，所以即使佢地打來電話我隻貓有''室''(其實我知無''室''，因為之前我重帶隻貓去睇醫生打針)要加50完，我都有返轉頭。但而家我覺得太過份，咁做生意一味呃人d客一定走。