广告广告
  加入我的最爱 设为首页 风格修改
首页 首尾
 手机版   订阅   地图  繁体 
您是第 4293 个阅读者
 
发表文章 发表投票 回覆文章
  可列印版   加为IE收藏   收藏主题   上一主题 | 下一主题   
r720313
数位造型
个人文章 个人相簿 个人日记 个人地图
初露锋芒
级别: 初露锋芒 该用户目前不上站
推文 x1 鲜花 x15
分享: 转寄此文章 Facebook Plurk Twitter 复制连结到剪贴簿 转换为繁体 转换为简体 载入图片
推文 x0
[狗狗][教养] 个人教狗如厕心得
转贴于宠物论坦
其实要教好狗仔去厕所一d都唔难,只系主人欠缺个方法,即使将来打算每日放狗上街如厕,在幼犬时间因未打齐针,o系屋企亦好需要好好咁教导一番!因我之前在屋企教d莎bb,约一个月开始识企佢地就识去狗厕所了...
所以想同大家分享吓,讨论吓!!!


1,首先,要知佢几时系需要去厕所
特别系幼犬,每当瞓醒,食饱,开心都好容易急,而且年纪越细的狗,膀胱越细,小便次数会比成犬较密!
2,佢点解唔去狗厕所?
咁要只狗首先知道点解佢要去狗厕所,佢系狗,唔会明白佢赖尿对你有几烦的,因为拖地o个个唔系佢!
a.要俾只狗知道佢去狗厕所o既好处,可以每次佢去狗厕如厕正确后,俾佢小食及以开心的声线佢赞佢(狗系以你的语气去认,即使你笑笑口同佢讲粗口佢都会摇头摆尾的!)
b.赏罚最好可以在"动作"完成后五秒内给予,过左气佢只会觉得无神神有野食!!
c.一日未学成,都唔会闹佢赖尿,不知者不罪ma,唔系叫主人学习大方,而系万一赖左尿,而被责骂,
佢地未必会明白你闹佢的真正意思,佢唔明你闹佢意思系"痾错地方",佢会误以为"哦...
主人唔钟意我痾尿!"最常见系因为狗仔已经有咁o既思想,佢唔知被闹原因,佢会尽量忍,
佢亦会避免o系你视线范围大大小小,即系d主人话自己明明都望到佢实,但每次一行转背佢就赖尿,
跟住自己躲起来,个样好似知自己做错左咁!
d.狗亦算一种钟意干净o既动物,佢地正常系唔会o系瞓觉的地方如厕的,瞓觉的地方系佢个窦,
所以过份困笼的话,其实系百害而无一利的,如果令佢大部份时间o系个笼,系间接令佢认定个笼系佢个窦,
佢会唔愿意o系个窦如厕,即系有时主人会话,困左佢成晚都唔痾,一放出来就又屎又尿!!
而且要佢地长期4只脚都踩住唔平的地方,对只脚会有问题的,可以留意petshop内,
好多都会加左猪仔板俾佢地企的!

<方法一>
~~~1.对新成员~~~
佢地新嚟新猪肉,未有任何坏习惯,我会先俾佢知佢个窦系边度,可以系一个细细手提箱
(空间越大反而令佢欠缺安全感),我会大部份时间困佢入去,入面要舒适,天气冻要够暖,气热要够通风,
令佢觉得入面系安全同舒服!
每隔一段时间我会抱佢出嚟(唔会放佢周屋走),抱佢上狗厕,一定要望实佢,三秒都唔可以离开,
等到佢痾左为止,佢一痾左我会有小食俾佢赞佢,即时放佢周屋行,同佢玩,玩到咁上下,就入番手提箱,
等下一次如厕时间再来一次!
但万一佢唔肯上狗厕,咁都尽量等,等得太耐佢都唔去,咁唔洗有任何反应俾佢,只系平常语气困番入手提箱就可以,再隔一阵先再来!!
学习开头一至两星期,做主人要辛苦d,因佢地可能半夜三更都会急尿,因为bb膀胱细,会辛苦一两星期,
打后会学得好快!
以史纳莎来计,新成员唔需要一星期就可以学会了,但学识左都要keep住有奖赏,
同埋唔可以一吓子俾太大自由活动空间!

~~~2,对旧成员~~~
佢地可能俾主人某d行为误导左,所以教佢要更加有耐性先得啊!
方法同以上差不多,但教o既时间可能会较长,我以前其中两只莎由细习惯左一急就自己入狗笼,
都识左成年几了,但因为后期我屋企转晒4只狗都用狗厕,咁佢地要两三星期先学识,
当然头两星期我每三个钟我就要教一教佢地了!!

<方法二>
如果屋企地方许可的话,其实可以买一个围栏,(可以摺合的,价钱我见过卖一百七十几蚊),
当小狗大约掌握到上狗厕如厕,但又未识得玩玩吓会自己跑番去狗厕所痾大大小小时,
其实可以用一个围栏,先放个狗厕入去,围栏个空间可自己调较,除狗厕外,
留小小空间俾佢,开头可能在围栏内除狗厕所就只有一两个阶砖空间俾佢,
如果佢无痾错,咁慢慢可将围栏内的自由空间调较大,两个阶砖变三个,变四个,但唔可以加得太急,
咁佢地都会好快学识同习惯的!


[ 此文章被makotocat在2005-03-14 08:58重新编辑 ]



献花 x0 回到顶端 [楼 主] From:台湾TANET | Posted:2005-03-13 20:26 |
amy0530
个人头像
个人文章 个人相簿 个人日记 个人地图
小人物
级别: 小人物 该用户目前不上站
推文 x13 鲜花 x82
分享: 转寄此文章 Facebook Plurk Twitter 复制连结到剪贴簿 转换为繁体 转换为简体 载入图片

谢谢提供~表情
可是香港的字看起来有点难懂呢 表情


●●●●●我的部落格●●●●●
我的部落格点这里喔!!
献花 x0 回到顶端 [1 楼] From:台湾 | Posted:2007-02-15 10:00 |

首页  发表文章 发表投票 回覆文章
Powered by PHPWind v1.3.6
Copyright © 2003-04 PHPWind
Processed in 0.015327 second(s),query:16 Gzip disabled
本站由 瀛睿律师事务所 担任常年法律顾问 | 免责声明 | 本网站已依台湾网站内容分级规定处理 | 连络我们 | 访客留言