古早,有一所在,有一個戇人.
此個人的老父講:
"明仔早是過年.
汝提錢去買麵粉,與肉,酒,
烏糖與鴨.
尚要做衫給汝,
布亦續買來."

此個人講:"好."
攜籃去街仔.買物返來,到半路,
適到一間寺,寺門口有二隻狗,
一隻嘴開開.
此個打算:"敢是腹肚饑?"
買來的肉一概倒對狗嘴落去.

又行幾步仔,聽見籃內的鴨在哮.
想:"敢是嘴乾?"
放置得溪仔,給伊食水.
鴨落去水裡,就真歡喜,
愈泅愈去.

此個人真驚,
彼個時候,籃仔內的麵粉提出來,
攏擲去,亦不倚來.
又更糖提起來,擲去,
亦是不倚來.

尾手,伊就走對竹圍去,
看見竹在震動.
"啊,竹啊,汝寒到擋沒住的乎?"
布提起來,攏與伊包包咧.

又更行幾步,
看見石頭裂開,講:
"石啊,汝嘴乾乎?"
籃仔內的酒瓶提起來,斟了了,
即返來.

[伊心]老父問:
"汝去街仔買物,買來無?"

此個人自己在路裡所做的事情,
一伍一什講給伊聽.

[伊心]老父就講:
"明仔日是過年,此款真無法度."