一直冇讲畀人知，因为怕吓亲人。而家谂返心仍有D寒。两年前5月，读中五的我为左应付公开试，正埋头努力咪书，连日来开夜车，读到忘我境界。 那个星期考完英文又考数学，接住又考地理，哗！终于不幸病左，仲发烧。迫于无奈休息左几日，但实在担心温唔切书。来紧星期一天要考中文，一时情急，唔知点算喊左出来。比其他同学读迟左几日温书，有咩法子唔担心？家人见我咁，都好心痛，劝我抖足精神，然后再读。同学仔打电话来慰问。结果斗志顽强的我咬实牙根，再度起精神搏杀。

　记得那晚，大约深宵两三点，已经读左大半，虽然身体仍然虚弱，但脑部同眼睛冇乜倦意，呢个可能是人家话「你唔觉自己病咁就冇o麦病」。突然心血来潮，想睇下电视。开着佢，但发现电视机黑漆漆，突然反射出有三个人坐响度，系三个大肥婆的物体。

　电视机正正反射对着住梳化位，吓得我唔敢郁。电视机内的三个影子虽然睇唔真，但感觉到佢o地开始发现我注视佢o地。佢o地目露凶光、来势汹汹向住我，好似准备行动。突然背后有把声话：「快点睡，听日再读。」原来系阿妈起身去厕所。再转头，三个影子消失左。唔知点解，我始终冇讲畀任何人知。翌年，我o地全家搬屋，怪事亦冇发生过。