[分享]云咸街牛杂档

--------------------------------------------------------------------------------
八十年代初.....
添叔(假名)系一个地盘工人, 佢果时o系中环半山一个地盘工作,由于地盘赶工,佢同一班工人都要开夜, 开完工, 多数会同d其他工人一齐搭的士落去.
有一晚, 因佢自己有d手尾要搅埋佢,所以冇同其他同事一齐走, 结果果晚佢做到连饭都冇,食仲成三点至走....
果晚搵架的士都冇,结果等o左一阵,佢顶唔顺,心谂落番中环都唔远路,结果就行落去.....

佢由忌连拿利落去, 个五脏庙响过不停, 至谂起自己未食饭, 即刻拿拿林加快步速, 谂住落到去搵间『七仔』医下个肚.....

当佢行到云咸街同下亚厘毕道交界, 见到灯光通明, 飘烟四散, 一阵浓烈的肉香飘至鼻度,本来已睡眼惺忪的添叔,立时精神百倍, 伸个头去超超......哗! 平时呢个时间应该水静河飞o既半山区, 竟然有当牛杂档.... 而且仲摆o左几张台o系度, 坐满晒人, 个个仲好专心咁食, 个样仲鬼咁滋味添....

结果添叔行埋去....见到个档主条眉好鬼死幼, 条眼又好鬼死细, 望埋去几乎好似得两点咁, 相当奇怪,呀...仲有仲有, 佢剪d牛杂果阵, 好似我地o系小学劳作堂剪纸条咁斯文, 一丝不苟咁, 仲好似好欣赏自己剪 d 牛杂咁, 完全唔系我地平时见o个 d 又大份, 咬住枝烟, 个样又恶又衰, 仲有纹身果亭牛杂佬咁.

o系牛杂车后面有棵树, 树后面有个女人坐o系地下, 状似 o系度洗紧牛杂, 阿添叔当时亦冇理咁多, 于同阿档主讲]为太肚饿, 未睇清楚就放入袋....

未几, 个档主终于剪完碗牛杂, 递俾阿添叔, 添叔立刻以一贯地盘佬作风, 捧着碗牛杂搵位坐去也..... 话说阿添叔饿狗抢x 咁拿住碗牛杂, 去霸个靓位, 佢一坐低, 就食七咁食d 牛杂, 全不为意佢身边o既食客为乜水, 食到咁上下, 佢至开始望下周围 d 人, 个个都面青口唇白, 好似病紧咁, 但又好静默咁食佢地o的o野, 突然佢望到同台佪阿伯同d细路, o系度食紧『肠仔面』, 阿添叔望下自己碗牛杂, 已经风卷残云o勒, 佢就多口问句:

"咦! 阿伯, 你地o的公仔面o系边度买, 我唔多觉眼o既..."

个阿伯同 d 细路好奇怪咁互相对望一眼, 然后齐齐望住阿添叔, d 眼神十足十牛杂档主咁阴森, 然后阿伯冇出声, 佢向棵树后面个女人度指o左一指, 添叔立刻唔理三七二十一, 急不及待咁飞身行过去谂住『补飞』去也,.

点知一行到去, 就望到个女人.....佢好似"楂"住一只人o既脚, o系度劈开个人个肚.....而添叔又望到个女人后边.... ....一个个人o既尸体, 堆积如山, 佢地个肚个个都比人割开, 添叔谂起刚刚佢自己食果d o野, 一阵恶心, 闷气从胃部攻上, 立时呕吐起来....然后佢岳高个头望望头先食 o野果度, 个个食客人踪杳然, 佢行去望望头先阿伯佢地食o个碗『肠仔面』......只发现o个 d 并唔系什么『肠仔面』,而系成碗一条条活生生o既尸虫(蛆虫).....

当佢o既呼叫声正从喉咙想嗌出时...突然背后有只手o系佢膊头拍o左一拍, 佢好惊慌咁向后望一望, 系...... o个个牛杂档主, 仲有果班『食客』....佢地个个用果种好阴森o既眼神望住添叔...o系度狂笑, 笑得好狰狞, 好凄厉, o系咁话:

「老友, 俾返 d 内脏我地, 你食o左我地 d 内脏呀....」

自此, 冇人再见到添叔, 亦冇人知佢下落......可能, 当你半夜三点钟, 行过下亚厘毕道同云咸街交界, 可能会见到佢o系度食紧牛杂....

x0