樓上有波子聲的解釋

之前應該有人 post 過，半夜三更，樓上有時會傳出〝的的搭搭〞o既聲響，我諗好多人都曾經聽過。又或者會奇怪邊個會〝黑媽媽〞o係度玩波子？有 d 人更會認為係有〝污糟o野〞。

近排先知道，原來所謂〝樓上波子聲〞好多時係隔離屋、樓上樓下又或者自已屋企有人開 / 閂水喉引起o既。（尤其係閂水喉）

開 / 閂水喉o個陣，一般都係一下子扭開 / 扭緊，而唔係慢慢開或者慢慢閂。由於突然的開 / 閂，水管內o既水壓突然變異，管內食水會產生波動（water hammer）。如果波動輻度大，喉管會產生震動，傳到大廈牆身，震動聲就會好似〝波子跌落地〞咁o既聲。（據說，聲音清唔清脆仲同大廈牆身物料有關）

大廈設計工程師一般都會考慮到呢種問題。除非o係用水量非常低o既時段，〝波子聲〞通常都可以避免的。o係用水量低的時段，同時用水o既單位唔多時（即係深夜時段，所以一般聽到〝波子聲〞都會係深夜時段），可能成幢大廈只有一個單位用水。如果該單位處於大廈高水壓供水位置（大廈通常都由天台水箱供水，低層住戶o既水壓會較高），當住戶用水後一下子扭緊水龍頭，水管內回湧就會非常大（即等如你全力衝向一個出口，正當你就衝過o既時候，門突然閂埋..............），由於無其他單位同時用水，管內回湧得唔到緩衝，咁就會產生我頭先所講o既震動聲響。

如果你經常聽到〝波子聲〞，而你又肯定鄰居無人真係玩緊波子，咁你住緊o既大廈供水系統得可能已經出現問題。喉管長期抵受強大水壓回湧好容易會導致喉管破裂。

所以大家其實可以留意o下，一般話聽到〝波子聲〞o既，都係一 d 比較有咁上下樓齡o既大廈、屋村，同埋都係住o係檔層較低o既單位o既！

x0

呵 好可愛的文章喔
黑媽媽該不會是指"龍貓"裡面的黑子吧@@
波子聲我想會不會也是隔壁人家傳來的^^
因為每次隔壁再移動椅子的時候
我家聽起來就好像是樓上有聲音@@

x0