有二個外路的出外人,
在一間客店裡相投宿,
大家講本地的奇巧的事.

一個人就講:
"在阮彼處有一腳浴桶,
千外人做一下落去洗,亦另另."

尚一個人就講:
"彼號桶,尚未能講得奇巧,
在阮彼處有的竹,
是對地面發起來,竹尾到天頂,
尚無位可伸長去,
所以,即更彎落來,
向地面,
這就是真正奇巧的事了."

預先講的人聽見此句就講:
"何有彼款的大竹呢?"

彼個人就講:
"若無我講的此號竹,
豈可能箍得汝講的彼號浴桶呢?"