土耳其之行

MyChat 數位男女

»
國外旅遊

»
土耳其之行

手機版

地圖

簡體

您是第 4732 個閱讀者

可列印版加為IE收藏收藏主題上一主題 | 下一主題

legolas

級別: 小人物

x13

x61

▼

[原創] 土耳其之行
原創文章

圖 1.

第2次到土耳其~今次跟美麗華係個錯誤，佢地原來真係唔多掂的，應該無下次~ 舖頭d人基本上個個都寸，我地個領隊都唔例外。

同團23人，14個後生，一對老野，個領隊都知唔會有肉食，所以都唔太願郁。

9日團~實質7日係預左，晚2355上機，12hrs後到伊斯坦堡，早上4點幾，跟住就開始行程，其實真係好很支力，因為我唔係咁易訓得著既人，響機訓唔到...去到果日星期日咁岩遇上馬拉松，歐洲人跑來亞洲，亞洲人跑去歐洲，好多路都封左，旅遊車行唔到，我地要改行程去本來最尾先去既大市集，我就覺得奶野.....明明睇過豬料大市閘sun休息...行行行上斜路半個鐘，結果8點幾去到未開，佢話9點開，9點未開，打電話問人先知休息...天呀，又行行行翻落去香料市場，重要係行得好急，個天比我想像中熱，成身濕晒，再游船河吹下凍勁海風，再不停地行，再幾個鐘車，香港時間晚上2-3點先有得訓，於是第一日就病左...

車程好長，最長果日十個鐘，不過都預得到超過一個鐘頭去未得我地同意既購物點~ 個香港領隊同當地導遊一齊行頭，永不回望，全程只係唔見左2次團友真係奇蹟，團裡面有對70歲夫婦，雖然阿婆聲大大成個8婆，攪到我地比鬼人多次怒啤，大叫shut up，我都好屁服佢跟得上....

第一日長車程就迫我地睇教育電視，成個行程共有3套，都係有關土耳其既片，第一套就係我至憎既成龍()@*#@#^&，開到死咁大聲之後個領隊自己訓左教...係咪痴架，20個鐘無訓都唔比人靜下，真係覺得有人會睇？？？個司機又係，叫左幾十次開冷氣都唔開，一開就開到14度，開完又停，係咁循環，係咪玩野？不過佢手車非常好，做野又專心，所以我對佢查實幾滿意。

蘇非亞教堂，後面係．．．．日出呀））））

因為馬拉松而封路～

伊斯坦堡通街都係鴿，貓，狗．．．

準備跑道

我有ｄ想響果度扮衝線．．．

電車軌

我覺得掃完同未掃都係差唔多

大市集度門．．．．ｏｎ等中

賣鴿粟的攤販

香料市場

擺檔擺到差佬門口都滿晒～

香料市場外邊的舖

ｄ豬屎都幾臭的．．．．

行得實在太累，響舖頭飲左杯土耳其人一日飲5-6次既茶，即係小杯茶+3粒糖，幾凸別的~

咁訓法．．．幾ｆｒｅｅ

好好奇條利點解可以咁長

最靚既城堡

每餐我地都要自費叫野飲，通常係4-6土耳其里拉，1里拉=6.3港紙，唔平架~土耳其d食物真係..其實算係無啖好食，首先係無豬食，而d肉就係攪碎既羊同牛，總之就無口感兼唔好食..但d麵包就唔錯播~如果響酒店會有好多醬點，幾似挨及菜。
呢碟野已算好好食，有條豬屎春卷，d薯茸重唔錯添~我響果度餐餐都係咁嗌好食好食，凸別，望落幾靚唔錯~如果唔係我會罷食...另外佢地好中意飲同食櫻桃，我每兩餐都會飲一次的~

響藍廟附近等緊失散團友時影的，最滿意的相..:em215:

落左陣雨凸然出現double rainbow~~

鹽湖~我曾經妄想過佢會似玻利維亞果個鹽湖，但原來差太遠...

礦物質太多唔食得的~

當地特產三頭駝鳥

街景，公主話好似大陸

呢度係地下奇石林，千幾年前基督徒響呢區挖石造屋住響地底，避開羅馬同異教徒追殺

呢度d狗好興咁樣訓....唔怕人踩，車漉.....

清晨4點來到呢度on等，食蛋羔飲平果茶等人吹漲個熱氣球比我地去玩，一等就2個鐘，無人交待過點解要咁耐..:em010:

我未試過去旅行睇咁多次日出日落的，好抵呀!!

由於on等得太耐，當影完呢張相之後為左平衡心理，我就去左狂垃手信....如果可以的話，想將佢個暖爐放落背狼。

我地個波波因為風太大，吹佢唔漲真係吹漲...

人地個波波上左去，我地果間公c因為風太大取消升空，留翻下次再試過，失望係有d，但安全至上，而呢朝康泰團就因為風太大，試左幾次後hard landing反籃，有數名團友扭親，哎.......

呢朝我睇見d烏蠅痴住響甜品上面腳撐撐之後:em203: ，食左4大塊熱pancake之後滯左...

土耳其跟歐盟，行車限時，呢個就係司機既行車紀錄，有時會有人查。

奇石林呀~~

果邊有隻駱駝~

千年古教堂

參觀陶藝店

知唔知邊隻係我整？

響石洞餐廳食飯~

假如大家去果度，我勸你唔好食呢d沙律，真係屙左都唔知乜事，我上次唔知係因為番茄沙律定係橙汁出事，夜晚發高燒第日去醫院，屙嘔到10彩，病左1個week..

午餐後凸然收到電話話即刻有得玩熱氣球，天氣perfest咁話，梗係仆到去啦~唔通聽蕉又3點起身咩？不過有兩個團友堅持第蕉再去...哎....攪到我地第2蕉遲左成個鐘出發，因為佢地遲左翻來..

吹漲中~原來每個波都要十幾人一齊攪的，不論上天定落地，不過位位2000港紙都係有賺的~每個籃坐40人到~

機師，幾玩野下，噴火打節拍，又扮撞岩，又同一個嚇到好驚既德國女人話自己第一次飛~

收波，歷時半個鐘，一齊飲香賓+cherry汁，羅埋個證書就送翻酒店~唔使去地氈廠~yeah~

燒茄子，好食!!

[img

][/img]

凍甜品，我全部切走外邊2cm，只食裡面~

呢杯勁，如果唔係未病完我一定飲多d，浸味好似肉桂，好哽好濃既味，酒精亦濃，本來係透明，加水就變白，叫roni(唔知有無記錯)又名獅子奶~

呢味野希臘人都興食，我冒住肚屙既風險都了左d食，原來係香葉包肉碎，d味算ok架勒~

肚皮舞表演~

呢蕉呢隻烏蠅係自殺的，佢飛入公主杯超熱糖水度，本來我地冷戰緊，結果唔討論佢既自殺都唔得。

開始頂唔順的表現，食番茄湯撈飯，好食又穩陣~

大概係第4日，我終於都忍唔住響街叫左杯石榴汁，都幾酸的....飲左4啖，唔敢飲~

呢張係咪好特別？呢個要留為紀念，佢令我考慮左一陣，下次有無需要帶埋個靚花洒頭去旅行.....佢唔夠水壓之餘，d水係週圍咁射出來的~~

綿花堡...已經變成咁樣，阿門

不過重有水的~

比下面d酒店扯晒去~

月既倒影幾靚~

聞名的土耳其咖啡，一半水，一半渣，同我地飲開既唔同味~

呢個唔知乜城既古石刻

古浴場的門口

知道係乜嗎~~

精緻

個山城密密麻麻

d甜品真係甜到爆燈的，浸糖水~

點麵包的醬

呢個係咩城呢.....唔....

送比基爾

佢地都擦鞋的~

呢張影乜？

司機了鼻屎

呢d雲吞仔裡面居然有餡~

呢個好肯定係特洛伊~

呢條路保存得最好~

佢地真係好中意咁訓~

搭汽車渡輪番去歐洲區~

呢個係皇宮近海的一度門

皇宮

藍廟

行程最後一餐係食中菜，你估係響邊度食？

無得頂:em214:

[ 此文章被legolas在2010-11-07 22:40重新編輯 ]

此文章被評分,最近評分記錄

財富:200 (by sunny23909) | 理由: 感謝您的熱情分享喔!


x3 [樓主] From：香港網上行 \| Posted：2010-11-07 22:07 \|

kevinchiu

級別: 小人物

x32

▲

吃得好、玩得快樂，看起來這趟土耳其玩得不錯！
感謝您的分享！給您獻花以資鼓勵！

祝大家順利、平安！
x0 [1 樓] From：台灣教育部 \| Posted：2010-12-01 08:04 \|



MyChat 數位男女 » 國外旅遊

Powered by PHPWind v1.3.6 Copyright © 2003-04 PHPWind	Processed in 0.032964 second(s),query:16 Gzip disabled 本站由瀛睿律師事務所擔任常年法律顧問 \| 免責聲明 \| 本網站已依台灣網站內容分級規定處理 \| 連絡我們 \| 訪客留言