在早,有一個目光,尚一個青瞑.
二個人攏是酒鬼.

有一日,目光的想要拐騙
青瞑的酒來飲,就講:
"咱公家買酒來飲,好否?"

青瞑的就問伊:
"一人要開若多錢?
尚要食的時,
著來去暗暗的所在食,我即要."

目光的就應伊講:
"好,錢一人開四角銀就好,
買三矸酒,尚買些土豆仁."

講如此隨時去店仔,攜酒來:
"今來去飲."

青瞑的講:
"好攜來去暗房內飲."

三矸燒酒給青瞑的攜去房間內.
二人雄雄用大碗
直直斟,直直飲.

目光的偷想:
"此酒矸若是放給伊去,
就續加被伊飲去."

即出力握酒矸,直直飲,
都攏無酒味,恰若水呢,
二矸酒食到空空,

喘一下大氣,即講:
"我食的酒無味無素,
若親像食水呢.
我頭起先,去店仔搭來的,
正正是酒,
不知怎樣仔即如此,真怪訝."

青瞑的就講:
"我飲彼三矸攏是厚酒.
我叫是汝不敢飲呢.
啊,想著了,
汝飲彼矸是水都著,
我纔仔洗二枝空酒矸,
貯水,藏置此處了,
我起先若知汝此號事情,
我就沒醉到如此輪輪旋呢."